Elamalonline

مرحيا بكم فى منتداكم الامل اون لاين
 
الرئيسيةالبوابةمكتبة الصورس .و .جالتسجيلدخول

شاطر | 
 

 امتي هترحمونا بقي...؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sedny
مشرف
مشرف
avatar

عدد الرسائل : 134
الموقع : مشرف
تاريخ التسجيل : 02/10/2007

مُساهمةموضوع: امتي هترحمونا بقي...؟؟؟   الأحد 02 ديسمبر 2007, 6:53 pm


جميل إنك تتابع برامج التليفزيون المفيده ، لكن المصيبه عندما تقع فريسة إعلانات التليفزيون و التي يدسونها لك في الفواصل و القواطع و العوارض و ما شابه ذلك ..

المذيعه في إبتسامه عريضه شريره : نلتقي بعد فاصل قصير .. نياهاهاهاهاها
ستار يُسدل على الشاشه يذكرك باسم القناه لتكون نسيتها و لا حاجه..

بنت كدا تظهرلك زي العفريت و مخبيه و را ظهرها حاجه تذكرك بريه و هيَّ مخبيه القماشه المبلوله ورا ظهرها ، ... و تطلعلك علبة شاي مرسومه عليها حشره ...

شاي الفسفوسه زيه ما تلاقيش

و لو رحت المحل و لقيت غيره ما تشتريش


واحده جربته و عجبها

و من كتر ما حبته حطته في النيش

قدامك خيارين
يا إما تشتري يا إما ما تشتريش
و لازم تشرب العلبه في يوم واحد
يا إما هيطلعلك في وشك فسافيس


و المفآآآآآجأه..
عرض خاص .. مع كل علبة شاي الفسفوسه ، هتآخد برغوت هديه ....... مجااااااااناً...

###########

الإعلان الثاني ..

يظهرلك كدا ع الشاشه راجل شكله صالح وورع و كأنه هيعيط من كتر التقى ، و يقولك بصوت منخفض ، إتصل على 0500000000000000000 علشان تكسب رحلات حج أو عمره ، لو جاوبت على السؤال دا ...

من هو آخر الأنبياء ؟ عليهم السلام ..

1 سيدنا آدم
2 سيدنا عيسى
3 سيدنا صالح
4 سيدنا محمد ـ عليهم الصلاة و السلام .

و أنصحك نصيحه أخويه ، لا تجاوب على السؤال قبل أن تقرأ في المراجع كلها ..

يبقا الرقم كام بقا ؟
0500000000000000000000000000
علشان تكسب رحلات حج أو عمره شامله الإقامه و الإنتقالات و التأشيره و تذاكر السفر و السندوتشات ...

يبقا الرقم كااااااام ؟؟؟ شكلكوا نسيتوا ...

0500000000000000000000000000000

و السلام عليكم و رحمة الله و بركاته....

الإعلان خلص الحمد لله ... الشاشه فجأه إسودت و طلع الراجل تاااااني ...

ألا هوا الرقم كااام؟؟؟؟



##############



الإعلان الثالث : ...

الشاشه فجأه و بدون مقدمات تجيلها هيستريا ، و تسمع صوت تليفون بيرن ، تجري طبعاً ترد على تليفونكم .. لكن ، تكتشف إن التليفون بيضرب في التليفزيون ، و تلاقي واحده ممصوصه و شكلها ناقعه وشها في علبة ماكياج بقالها شهرين ، و لابسه بنطلون مقطع المهم إنها لابسه حجاب ، بترد على التليفون دا ، و يقطع هذا الملل صوت رجل يقول بانشكاح ..:

الآن ، و بعد أن وصلتنا التكنولوجيا من تشكوسلوفاكيا رأساً على عندنا ، نقدم لكم التليفون أبو زراير ، هذا التليفون يتمتع بخصائص فريده من نوعها ، أولاً : يحتوي على زراير بها أرقام من صفر إلى تسعه ، هذا بالإضافه إلى وجود سماعه تحتوى على سماعتين ، واحده تسمع بها المتحدث و الأخرى تتكلم فيها لكي يسمعك المتحدث ، و من خلال التليفون أبو زراير تستطيع أن تطلب أي رقم في أي وقت ، و المفآجأه ، التليفون يتمتع بخاصيه تكنولوجيه جداً ، بيرن ليعطيك إشاره أن أحد يتصل بك ، لا تفوت الفرصه و لا تدع العرض يفوتك


سعر العده الواحده 257 جنيه ،


و إذا إشتريت عدتين تحصل على خصم 3 جنيه


أي يصبح السعر 511 جنيه بدلاً من 514 ...

إتصل ب 55778899


لتحصل على العرض المميز بتكاليف شحن 70 جنيه فقط



إتصل فووووووووووررررراً يا أهبل ..


################



ا لإعلان الرابع :....

صورة واحده عجوزه و أطفال بؤساء حواليها ، و في عينيهم جميعاً ملامح البؤس و الشقاء ، و يقطع هذا المشهد المأسوي صوت رجل مأسوي أيضاً ::..

شايف اليتامى دول ؟ تقدر تدخل عليهم البهجه و السرور ، تقدر ترسم البسمه على شفايفهم ، و تساعد الأم في توفير دخل يساعد على مكافحة ظروف الحياه الصعبه ، كل دا تقدر تعمله بجاموسه ، أيوا يا سيدي جاموسه إيه ؟؟ في إيه ؟؟ مالك بتبحلقلي كدا ليه ؟؟ و يجيبلك صورة جاموسه علشان تصدق ودانك ، و على رأي المثل إللى أنا مألفاه لسه حالاً ، " إن كذبت الودان ما تكذبش العين " ....

و يستكمل ، و بكدا تقدر تدخل البهجه و الفرح عليهم و تساعد أم في تربية عيالها . ..




إتصل الآن على ..

07000
علشان تشتري جاموسه .
و المفآجأه ..

عندما تشتري جاموستين سوف تحصل على جاموسه تالته هديه

و عندما تشتري جاموسه واحده ستحصل على 5 كيلو برسيم مجاناً

إتصل لتصلك الجاموسه لحد البيت ...

امتي يرحمونا من الاعلانات الخنقه دي Evil or Very Mad

و ينتهى الفاصل ....
مع لقاء آخر في فاصل آخر ...
و كل سنه و إنتوا فاصلين...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hussain_86
مدير
مدير
avatar

ذكر
عدد الرسائل : 605
العمر : 31
الموقع : مدير
تاريخ التسجيل : 26/09/2007

مُساهمةموضوع: رد: امتي هترحمونا بقي...؟؟؟   الأحد 02 ديسمبر 2007, 8:17 pm

فعلا التفليزيون خنيق وانا رحمت نفسى ومش بتفرج عليه اصلا ويارب يرحمونا

_________________
لااله الا الله محمد رسول الله

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elamalonline.ahlamontada.com
NICE GIRL
مشرف
مشرف
avatar

عدد الرسائل : 118
الموقع : مشرف
تاريخ التسجيل : 28/09/2007

مُساهمةموضوع: رد: امتي هترحمونا بقي...؟؟؟   الخميس 06 ديسمبر 2007, 6:12 pm

بجد عندك حق مرسي كتير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hsnter



عدد الرسائل : 1
تاريخ التسجيل : 04/05/2008

مُساهمةموضوع: رد: امتي هترحمونا بقي...؟؟؟   الأحد 04 مايو 2008, 11:23 pm

يسلموا اديك على الموضوع لانوا ذكرتيني انوا في تلفزيون بهالدنيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امتي هترحمونا بقي...؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Elamalonline :: فــضــفــضـــــــــــة-
انتقل الى: