--------------------------------------------------------------------------------
((( النت )))
ممكن نتعرف .........
كانت هي تلك الكلمتين الذي يقوم الشاب ببدأها مع أى فتاة يعجب بيها
وكفيلة تلك الجملة بتعريض أتخن شنب لصفعة ع الأقل أو مرمطة حريمى
لحـــــــــــــــــــــد ما وصلنا لإختراع ((( النت ))) وأصبحت تلك الجملة لا تخلو من اى غرفة شات أو منتدى
يجوز لأنها الشبكة العجيبة التى لها قدرة فائقه على سرعة توصيل العالم بأكمله وفي أقل من الثانية ونجاحها المذهل في إختصار العالم الواسع لشاشة كمبيوتر .
ويجوز ايضاً لأنه بيرفع عنا حواجز كثيرة صعب نكسرها في الواقع مثل الخجل ؛ التردد ؛ التوتر وصفات أخرى يعانى أصحابها من التواصل المباشر مع الآخرين
والمؤكد أن الموضوع أصبح أكبر من مجرد تعارف ودردشة ......
ولكن تحول إلى غــــــــــراميــــــــات" On Line" ومقالب " Life "
بالرغم من أن كل البيانات والمعلومات الخاصة على مواقع الشات غالبا بتكون مضروبة
لكن الواحد مابيفهمش ده غير بعد ما يقع في مقلب وده اللي هسرده اليكم من خلال
نماذج وانماط لكل من إصطدم في فخ ((( النت )))
فتاة بدأت علاقتها يالشـــات بعدنهاية قصة حب عنيفة كانت بينها وبين زميل لها في الجامعة في محاولة للنسيان بالغوص داخل غرف الشات
وفعلا أحست بتحسن كبير خاصة بإنها كانت بتحكي وبتفضفض بدون أي تحفظ وتعلق قلبها بواحد كانت نصائحه لها كانت بتعجبها جداً
وبياناته ع النت (( طبيب ؛ شاب ؛ أعزب )) وفى يوم مطلعتلوش شمس تتحدث وتقول اعترفلي بحبه لأنه مايقدرش يخدعني ونزلت عليها بياناته كالصاعقة لأنه (( موظف ع المعاش يعني عدي الستين سنة ومطلق مراته من زمان وسايب لها العيال ))والغريب بدل ما أنهار زي ماحصل في قصة حبي اللي فاتت جاتلي هيستريا ضحك
ونمط آخر سيدة عجوز تجلس أمام النت وإذا بها تقول بياناتها لشباب((( inter net )))
( فتاة لبنانية ؛ 17 سنة ؛ تشبه نانسى عجرم ؛وحيده ؛ طموحه ؛ انوثه طاغيه ؛ صاروخ في الجمال ......... )
ويقع الشباب في تلك الفتاة الساحرة وتبقي الصاعقة عندما يفوقوا علي الوهم الحقيقي بأنها سيدة تبلغ من العمر أكثر من ستين عام
ولكن بتشغل وقت فراغها وتستعيد شبابها مرة أخري وتعيش مرة تانية مراهقتها المتأخرة بين غرف الشات وبين أحفادها
ونمط آخر من الشباب يحكي لنا مقلبه الغرامى علي ((( النت )))
قائلا بطبيعة عملي كانت بتخليني قاعد ع ((( النت )))فترة طويلة
ومعظمها كنت بقضيه فاتح غرف الشــــــــــات وقرر زميلى في المكتب المجاور لى عمل مقلب ساخن فيا مستغلا معرفته بعشقي الخاص
ببنات لبنان وفهمني أنها لبنانية أشبه هيفاء وهبى ومن اللي حصلي وقتها 9 شهور علي نار
لحد ما قالي في يوم ع الشات باعتباره صديقتي اللبنانية انها هتزور مصر وعايزاني استضيفها وعلي الفور بدأت حملة للأقتراض
من معارفي لحد ما وصلت لأخينا صاحب المقلب ولما لقي العملية فيها فلوس وقع من الضحك
وقاللي الحقيقة المفزعة ومصدقتوش في البداية لحد ما قالي علي تفاصيل محدش يعرفها غيري أنا وهيفاء
وفتاه ليسانس آداب :-
تحكي لنا إنها عاشت هيمانه أيام وليالي مع شخص كان مسمي نفسه الفرعون العاشق
وده خلاني اعمل نفسي منى ذكي في فيلم مافيا وافتكره احمد السقا
لغاية ما اكتشفت انه اخو صاحبتي الصغير اللي في الصف الأول الإعدادي
وخد البريد الإلكتروني بتاعي من " الماسنجر " بتاعها وعيشني الوهم
وفي النهاية
أحب أقول إن فائدة الجلوس أمام النت هو الإستفاده لكل ما هومفيد وللمزيد من المعرفة
وتلاحمنا للقدرة علي إكتســــــــاب خبرات من الآخر و مواجهة صعوبات الحيـــــــــاة
الخميس 06 ديسمبر 2007, 6:06 pm